Policia e Kurbinit, ka shpallur në kërkim, 35-vjecarin Fation Cobelita I njohur edhe me mbiemrin Staka, si autor të dyshuar të plagosjes së Akil Tahirit paraditen e 24 prillit në fshatin Gurëz.
Po ashtu në kërkim është shpallur edhe Renato Marku, 26-vjec për veprën penal “moskallëzim krimi”. Ndërkohë I proceduar penalisht, për veprën penale “Shpërdorimi i detyrës”, është edhe mjeku roje i Kurbinit për shkak se rezulton se nuk ka njoftuar shërbimet policore për plagosjen e Akil Tahirit.
Akil Tahiri, 35-vjec u paraqit në spitalin Traumës I plagosur me armë zjarri në gju, ku aktualisht ndodhet jashtë rrezikut për jetën. Sipas policisë Akil Tahiri, ka pasur një konflikt fizik me Fation Cobelitën, ku ky I fundit gjatë sherrit ka nxjerrë pistoletën dhe ka qëlluar një herë në drejtim të 35-vecarit duke e lënë të plagosur.
Plagosja sipas policisë ka ndodhur rreth orës 10 të mëngjesit të premtes, ku Aklit Tahiri fillimisht ka mbërritur në spitalin e Lacit, ndërsa më pas është dërguar për tek Trauma pa njoftuar policinë. Në dijeni të kësaj plagosje sipas policisë ka qënë edhe Renato Marku, por as ky I fundit nuk ka njoftuar shërbimet e policisë.
