Në krye SIGAL dhe INTERSIG, kompanitë e sigurimeve rrisin fitimet, por ulin dëmshpërblime, STATISTIKAT zyrtare!
Në buletinin e fundit të publikuar nga Autoritetit të Mbikqyrjes Financiare, vihet re se të ardhurat nga primet e shkruara bruto të kompanive të sigurimit, për përiudhat Janar – Korrik 2025, kapën vlerën 15,473 milionë lekë, ose 8.98% më shumë se në janar – korrik të vitit 2024. Gjatë periudhës janar – korrik 2025, numri i kontratave të sigurimit të lidhura arriti në 929,459 me një rritje prej 6.81% krahasuar me të njëjtën periudhë të një viti më parë.
Me fjalë të tjera, kompanitë e sigurimeve, po fitojnë para për shkak të rritjes së çmimeve të siguracioneve, shtimit të numrit të sigurimeve, por nuk po japin para në forma dëmshpërblimi. Pra, rritja e çmimeve nuk po kthehet te qytetarët në formën e dëmshpërblimeve. Kjo do të thotë se kompania arkëton më shumë, qytetari paguan më shumë por kthimi në dëmshpërblime nuk është i njëjtë.
“Gjatë periudhës janar – korrik 2025, dëmet e paguara bruto në tregun e sigurimeve, arritën në rreth 4,804 milionë lekë, ose 0.90% më shumë se në janar – korrik 2024.”-thuhet nga AMF.
Dëme të paguar në “Sigurimin Motorik”
Për periudhat janar – korrik 2025 kompanitë e sigurimeve realizuan mbi 90 milionë euro të ardhura nga primet prej sigurimeve motorike ose rreth 12 milionë euro më shumë krahasuar me të njëjtën periudhë të një viti më parë, ndërsa kanë paguar vetëm rreth 23 milionë euro dëmshpërblime.
Edhe në këtë publikim të fundit, vihet re se Kompania SIGAL edhe pse zë peshën më të madhe në këtë treg duke realizuar mbi 20 milionë euro të ardhura nga primet e sigurimeve motorike gjatë, ndërkohë që rezulton sipas të dhënave të AMF që ka paguar 8,37% më pak se një vit më parë. Një tjetër kompani me bilanc më pak dëmshpërblime për Sigurimet Motorike është INTERSIG me 33.68 % më pak se në vitin 2024 të së njëjtës periudhë Janar – Korrik.
Në tabelën tjetër të publikuar nga AMF, vihet re se SIGAL ka përqindjen më të lartë të rritjes se siguracioneve për mjetet motorike, pra me 13.23 %, por pavarësisht kësaj ka një rënje tejet të madhe për sa I përket dëmshpërblimeve me 8.37%.
Pas hyrjes së ligjit, kompanitë nisën rritje graduale të çmimeve, duke u justifikuar me kërkesën për kapital më të madh dhe dëmshpërblime të rritura.
Kjo është arsyeja pse në raportin e AMF për 2025 shohim rritje 9% të primit, por pa rritje reale të dëmshpërblimeve. Në raport shihet se primet janë rritur me 8.90% ndërsa dëmet me paguara me 0.9%.
Dëme Pezull
Edhe tek dëmtimet pezull, ku përfshihen ( Dëme në proces vlerësimi, dëme të miratuara të papaguara, Dëme në Proces gjyqësor etj ), vihet re se kompania SIGAL, ka 22.12% dëme pezull, çka do të thotë më shumë pritje për qytetarët. Tek dëmet pezull, renditja vijon me Sigma, ndjekur nga kompanitë e tjera.
Pavarësisht se dëmshpërblimet po ulen, të dhënat e INSTAT tregojnë se muajt e verë ka pasur një shtim të aksidenteve.
“Aksidentet rrugore, në 89,3 % të rasteve, kanë ndodhur si pasojë e sjelljes së drejtuesit të mjetit. Numri më i lartë i aksidenteve, në këtë periudhë, është kryer nga grup-moshat 25-34 vjeç, duke zënë 28,2 % të numrit të aksidenteve gjithsej.
Në muajin Korrik 2025, numri më i lartë i aksidenteve rrugore ka ndodhur përgjatë ditës së Martë me 19,8 %, ndërsa numri më i ulët i aksidenteve ka ndodhur përgjatë ditës së Premte, me 9,2 %.
Numri më i lartë i aksidenteve rrugore ka ndodhur përgjatë harkut kohor 08:00 – 12:00, duke zënë 28,2 % të numrit të aksidenteve rrugore gjithsej” nënvizon INSTAT.
Degragimi i tregut të sigurimeve në Shqipëri, ku qytetarët paguajnë më shumë dhe dëmshpëblehen më pak, ndryshe nga sa ka qenë më parë, është duke ndodhur nën mbikëqyrjen e Autoritetit të Mbikëqyrjes Financiare.
AMF është institucioni rregullator i tregut të sigurimeve dhe gjatë dekadës së fundit ka patur një rol qendror dhe në mbështetje të interesave të qytetarëve shqiptarër, por situata ka ndryshuar muajt e fundit.
Së fundmi, AMF është duke shërbyer jo si institucion rregullator i tregut, por si zyrë noterie për aktorë që ikin dhe rikthehen në treg dhe kur rikthehen duan t’i bëjnë rregullat e lojës sipas interesit të tyre.
