Policia e Elbasanit ka ndaluar sot Valter Bamin, i cili ishte nën masën e sigurisë “arrest shtëpie”. Fillimisht, ai është ndaluar nga policia rrugore së bashku me një person tjetër që ndodhej në rolin e shoferit. Pas verifikimeve, Bami është shoqëruar në Drejtorinë e Policisë Elbasan për procedura të mëtejshme.
Dyshohet se ai ka thyer masën e sigurisë, ndërkohë që po kryhen verifikime nëse kjo masë është ndryshuar apo jo nga gjykata. Autoritetet janë duke hetuar rastin.