Agjencia Kombëtare e Shoqërisë së Informacionit (AKSHI), e drejtuar nga Mirlinda Karcanaj, ka shpallur fitues tenderin për “Përmirësimin e Sistemit të Thesarit”. Vlera e tenderit kap shifrën 8.3 milionë euro, duke shkaktuar polemika për transparencën e procedurës.
Fituesi u shpall bashkimi i operatorëve:
- COMMUNICATION PROGRESS (në pronësi të Gentian Likaj dhe Enkeleid Zoraqi)
- HORIZON, në pronësi të Ermal Beqirit
Vlera fituese ishte 679,999,999 lekë pa TVSH, ose rreth 90.6% e fondit limit, i cili ishte 750,314,460 lekë.
Pak kompani pjesëmarrëse, fituesi me ofertën më të lartë
Sipas dokumenteve zyrtare:
- Në tender morën pjesë vetëm katër kompani.
- Dy prej tyre nuk ofruan fare ofertë (rezultuan me vlerë zero).
- Fituesi, Ermal Beqiri me partnerët, dha ofertën më të lartë nga të gjithë pjesëmarrësit.
Megjithatë, kjo nuk e pengoi drejtoreshën e AKSHI të shpallte fitues Beqirin dhe bashkëpunëtorët e tij.
Hetimet e SPAK ndaj kompanisë së Ermal Beqirit
Ermal Beqiri, një nga figurat më të fuqishme të teknologjisë në Shqipëri, ndodhet aktualisht nën vëzhgim nga SPAK.
Oficerët e BKH kanë ushtruar kontrolle në ambientet e kompanisë së tij “Soft & Solution”, për të hetuar:
- mënyrën e fitimit të kontratave publike,
- dyshime për favorizime në tendera,
- manipulime të mundshme në prokurime.
Pavarësisht këtyre kontrolleve, Beqiri ka arritur të përfitojë edhe këtë herë një kontratë prej 8.3 milionë euro me fondet e taksapaguesve shqiptarë.
Detajet teknike të tenderit
- Numri i referencës: REF-34655-12-26-2024
- Fondi limit: 750,314,460 lekë pa TVSH (~9.2 milionë euro me TVSH)
- Vlera fituese: 679,999,999 lekë pa TVSH (~8.3 milionë euro me TVSH)
- Procedura: E hapur, mbi kufirin e lartë monetar