Një grabitje me armë zjarri ka ndodhur në Fushë-Krujë, pranë një karburanti. Sipas informacioneve paraprake, një person që ndodhej në timonin e një taksie ka kërcënuar me armë punonjësit e karburantit dhe ka marrë xhiron ditore.
Pas grabitjes, autori ka braktisur taksinë dhe është larguar në drejtim të fshatrave të Fushë-Krujës. Nuk raportohet për persona të lënduar.
Policia ka nisur hetimet dhe po punon për identifikimin dhe kapjen e autorit, ndërsa janë ngritur postblloqe në zonë. Materialet procedurale i janë referuar prokurorisë për veprime të mëtejshme.