Teksa harta territoriale në Shqipëri pritet të ndryshojë dhe komisioni përkatës ka nisur punën prej disa muajsh, Qarku i Lezhës kërkon ruajtjen e kufijve aktualë dhe madje zgjerimin e Bashkisë së Mirditës, e cila është tkurrur nga popullsia gjatë viteve të fundit.
Eksperti i pushtetit vendor, Gjok Jaku, dhe kulturologu Gjergj Marku theksojnë se Bashkia e Mirditës duhet të ketë një territor më të gjerë, duke përfshirë Ulzën dhe një pjesë të zonës së Pukës, të cilat kanë qenë edhe më parë pjesë e kësaj treve.
I përfshirë si koordinator për zonën e veriut në reformën territoriale të vitit 2014, eksperti i pushtetit vendor Gjok Jaku shpreh shqetësimin se edhe në këtë ndarje të re territoriale mund të mbizotërojë vullneti politik i shumicës, pa u marrë në konsideratë mendimi i ekspertëve të fushës.
Me reformën territoriale të vitit 2014, Qarku i Lezhës u nda në tre bashki: Lezhë, Kurbin dhe Mirditë, te cilet konsiderohen se kane pjeserisht efikase me disa problematika te vogla.
