Banka izraelite JET BANK gati të marrë të dhënat e E Albania: Do kemi Regjistrat Shtetërorë
Banka Jet apo e njohur si banka izraelite Jet Bank, ka integruar procesin e marrjes elektronike të të dhënave nga Regjistrat Shtetërorë përmes platformës e-Albania. Edhe pse deri sot më datë 21/10/26 Banka nuk ka marrë plotësisht të dhënat ata pranojnë se shumë shpejtë do të kenë akses të plotë. Sipas tyre marrja e të dhënave të shqiptarëve në E albania do të bëhet duke e bërë aplikimin për kredi më të shpejtë, më të thjeshtë dhe më efikas për klientët.
Nga Izraeli në Tiranë! Si po bëhet kontrolli i Jet Bank, Facebook nxjerrë të vërtetën
Më tej banka shton se falë këtij funksionaliteti, të dhënat e nevojshme për shqyrtimin e aplikimit për kredi mund të merren në mënyrë elektronike, në përputhje me legjislacionin në fuqi dhe vetëm për qëllimet e vlerësimit të aplikimit. Kjo redukton nevojën për dorëzimin fizik të dokumenteve dhe përshpejton procesin e verifikimit.
Banka Jet garanton se përpunimi i të dhënave personale kryhet në përputhje me kërkesat e legjislacionit shqiptar për mbrojtjen e të dhënave personale. Klientët informohen për kategoritë e të dhënave që do të merren, qëllimet e përpunimit, bazën ligjore dhe të drejtat që u njihen sipas ligjit. Kur përpunimi bazohet në pëlqim, ai do të merret paraprakisht në mënyrë të veçantë, specifike dhe të dhënë lirisht.
Çfarë po fshihet pas JET BANK? Banka e Shqipërisë nuk jep asnjë informacion
“Sapo lidhja me Regjistrat Shtetërorë të bëhet e disponueshme, Banka Jet do ta përditësojë këtë njoftim përpara se të aksesojë ose të marrë ndonjë informacion përmes këtij funksionaliteti. Njoftimi i përditësuar do të shpjegojë qartë kategoritë e të dhënave që mund të merren, qëllimet përkatëse dhe bazën ligjore, periudhën e ruajtjes së të dhënave dhe të drejtat që ju gëzoni. Kur përpunimi bazohet në pëlqim, Banka Jet do t’ju kërkojë paraprakisht një pëlqim të veçantë, specifik dhe të dhënë lirisht. Banka Jet përpunon të dhënat personale në përputhje me Ligjin nr. 124/2024 “Për mbrojtjen e të dhënave personale” dhe me parimet e zbatueshme të ligjshmërisë, drejtësisë, transparencës, kufizimit të qëllimit, minimizimit të të dhënave, saktësisë, kufizimit të ruajtjes, integritetit dhe konfidencialitetit.” thuhet ne njoftim.
Jet Bank në QKB e deklaruar angleze, në Bankën e Shtetit holandeze
Njoftimi i fundit i Bankës Jet lidhur me integrimin e procesit të marrjes elektronike të të dhënave nga Regjistrat Shtetërorë përmes platformës e-Albania ka rikthyer në vëmendje debatin mbi mbrojtjen e të dhënave personale dhe sigurinë e informacionit të qytetarëve.
Sipas bankës, funksionaliteti synon ta bëjë procesin e aplikimit për kredi më të shpejtë, më të thjeshtë dhe më efikas, duke mundësuar marrjen elektronike të të dhënave të nevojshme nga Regjistrat Shtetërorë. Megjithatë, vetë njoftimi pranon se, deri në momentin e publikimit të tij, lidhja me këta regjistra nuk është ende plotësisht funksionale dhe se aksesi do të realizohet pasi funksionaliteti të bëhet i disponueshëm.
Ky zhvillim ngre një sërë pyetjesh mbi mënyrën se si do të mbrohen të dhënat personale të qytetarëve pasi bankat të kenë mundësi të marrin informacion përmes platformës e-Albania. Ekspertët e privatësisë kanë theksuar prej kohësh se çdo zgjerim i aksesit në regjistrat shtetërorë duhet të shoqërohet me garanci të forta ligjore, teknike dhe organizative, në mënyrë që të minimizohet rreziku i aksesit të paautorizuar, rrjedhjes së të dhënave ose përdorimit të tyre për qëllime që tejkalojnë arsyen për të cilën janë mbledhur.Ekspertët e privatësisë kanë theksuar prej kohësh se çdo zgjerim i aksesit në regjistrat shtetërorë duhet të shoqërohet me garanci të forta ligjore, teknike dhe organizative, në mënyrë që të minimizohet rreziku i aksesit të paautorizuar, rrjedhjes së të dhënave ose përdorimit të tyre për qëllime që tejkalojnë arsyen për të cilën janë mbledhur.
