TIRANË– Kastriot Hasko dhe Ertis Shehu janë arrestuar nga Policia e Shtetit, në kuadër të një hetimi të Prokurorisë së Fierit për falsifikim dokumentesh pronësore në zonën e Semanit.
Ish-kreu i Kadastrës Ertis Shehu dhe Kastriot Hasko, pronar tokash në Palasë janë arrestuar nga Policia e Shtetit për llogari të Prokurorisë Fier në lidhje me një çështje falsifikimi dokumentash pronësore në Seman.
Hasko dhe Shehu ishin nën hetim prej muajsh ndërsa urdhër arrestet janë ekzekutuar mbrëmjen e sotme.
Fillimisht në disa media u raportua se u arrestua Kastriot Haskaj, pronari i linjës së kafes “Moncafe”, dhe i hotelit me të njëjtin emër në Tiranë, por në fakt në pranga ka rënë sipërmarrësi Kastriot Hasko.
Ky i fundit u bë i njohur së fundmi në media për një konflikt pronësor mbi një sipërfaqe prej rreth 37 hektarësh tokë në Palasë.
Ndërsa Ertis Shehu është ish-kreu i Kadastrës, ASHK.
