Alarm për bombë në QTU, nxirren jashtë të gjithë njerëzit
Një alarm për bombë është raportuar në QTU (Qendra Tregtare Univers), duke shkaktuar evakuimin e menjëhershëm të të gjithë qytetarëve dhe punonjësve që ndodheshin në ambientet e qendrës tregtare.
Sipas informacioneve paraprake, forcat e policisë kanë mbërritur në vendngjarje dhe kanë rrethuar zonën, ndërsa njësitë speciale po kryejnë kontrolle të imtësishme për të verifikuar alarmimin. Deri më tani nuk ka të dhëna për persona të lënduar.
Ky është rasti i dytë brenda një kohe të shkurtër, pasi një situatë e ngjashme u raportua një natë më parë në Toptani Shopping Center, ku gjithashtu u bë evakuimi i personave për arsye sigurie.
Autoritetet u bëjnë thirrje qytetarëve të shmangin zonën dhe të ndjekin udhëzimet zyrtare, ndërsa pritet një njoftim zyrtar për rezultatet e kontrollit dhe natyrën e alarmit.