Posti i ministrit të Brendshëm sjell përgjegjësi të mëdha për çdo drejtues të këtij institucioni, ku shpesh vendimmarrjet ndikohet nga këshilltarët që kanë fjalën e fundit. Nga një vëzhgim i bërë, rezulton se ministri i Brendshëm Ervin Hoxha ka në kabinetin e tij plot shtatë këshilltarë.
Më i fundit që i është shtuar listës është Flamur Mamaj, ish-prefekt i Vlorës, i denoncuar publikisht për disa tendera të dyshimtë të lidhur me kompaninë e tij. Emërimi i tij ka ngjallur reagime dhe ngre pikëpyetje serioze mbi standardet e transparencës dhe integritetit në administratën e lartë.
Ekspertët e administratës theksojnë se, ndonëse këshilltarët shërbejnë për të mbuluar fusha të ndryshme të punës dhe për të ndihmuar në shpejtësinë e vendimmarrjes, shpesh ky numër i lartë lidhet edhe me balancat politike dhe emërimet klienteliste.
Ndërkohë, opinioni publik pret që Ministria e Brendshme të sqarojë rolin e secilit këshilltar dhe arsyet konkrete të përzgjedhjes së tyre, në një kohë kur besimi tek institucionet kërkon transparencë maksimale. E POST