Më 20 gusht 2025, rreth orës 17:00, në Komisariatin e Policisë Nr. 1 është paraqitur shtetasja M. Shima, e cila ka kallëzuar se ka humbur kontaktet me të birin, 34-vjeçarin Daniel Shima.
Sipas burimeve, para se të humbiste gjurmët, Shima u ka dërguar një mesazh të afërmve duke i njoftuar se po e arrestonin. Pas këtij momenti, komunikimi me të është ndërprerë.
Policia e Shtetit ka konfirmuar zyrtarisht se po punohet për gjetjen e tij, duke theksuar se bëhet fjalë për ish-zv.drejtorin e Agjencisë Kombëtare të Shoqërisë së Informacionit (AKSHI). Aktualisht, hetimet po zhvillohen mbi dy pista kryesore: rrëmbim dhe inskenim të zhdukjes.
Ndërkohë, policia po kryen sekuestrimin e kamerave të sigurisë në zonën ku dyshohet se ndodhej Shima, me qëllim zbardhjen e rrethanave të ngjarjes.
Por kush është Daniel Shima?
Daniel Shima ka mbajtur për disa vite postin e numrit 2 të AKSHI-t, drejtpërdrejt pas drejtoreshës së institucionit, Mirlinda Karçanaj. Ai u shkarkua në mars 2024, pikërisht ditën kur Karçanaj u thirr për disa orë në Prokurorinë e Posaçme (SPAK). Pas daljes nga SPAK, Karçanaj është rikthyer në zyrë dhe ka firmosur shkarkimin e tij.
Më herët, Shima është thirrur për t’u pyetur në SPAK në lidhje me tenderat e Agjencisë Kombëtare të Shoqërisë së Informacionit (AKSHI).
gjatë kohës që ishte në detyrë në lidhje me abuzimet dhe vjedhjet e tenderave të organizuara nga AKSHI, ndërsa një vit më parë u raportua se ai ishte marrë nën mbrojtje nga Garda e Republikës, me vendim të posaçëm, për shkak të një rreziku të konstatuar nga institucionet ligjzbatuese.
Gjate kohës që ishte në detyrë në lidhje me abuzimet dhe vjedhjet e tenderave të organizuara nga AKSHI, ndërsa një vit më parë u raportua se ai ishte marrë nën mbrojtje nga Garda e Republikës, me vendim të posaçëm, për shkak të një rreziku të konstatuar nga institucionet ligjzbatuese.