25 vjet burg kërkon Prokuroria e Tiranës për adoleshentin që vrau me thikë 14-vjeçarin Martin Cani. Ngjarja e rëndë ndodhi një vit më parë, pranë shkollës “Fan Noli” në Tiranë.
Akuza dha këtë të hënë, më 17 nëntor, konkluzionet përfundimtare për 14-vjeçarin, të cilin e akuzon për vrasjen e Canit dhe plagosjen e një tjetër bashkëmoshatari.
Për shkak se autori i dyshuar është i mitur, nëse gjykata pranon pretencën e prokurorisë, ai pritet të dënohet me 12 vite burg, në aplikim të nenit 97 të Kodit për të mitur.
Ndërkohë, më 27 nëntor do të mbahet seanca e radhës, ku do të jepen konkluzionet e mbrojtjes.
Krimi i rëndë që tronditi opinionin publik ndodhi më 18 nëntor të 2024-s. Në sherr e sipër, 14-vjeçari goditi me thikë bashkëmoshatarin e tij Cani, i cili humbi jetën teksa po transportohej për në spital. Gjatë këtij konflikti mbeti i plagosur edhe shoku i tij.