TRONDITET VLORA! Qëllohet me kallash drejt Hotel Regina? Dhunohet Vasil Bedinajt
Një ngjarje e rëndë ka tronditur qytetin e Vlorës, ku raportohet se persona të armatosur kanë shkuar në ambientet e Hotel Regina, në pronësi të biznesmenit Vasil Bedinaj.
Vasil Bedinaj gënjeu? Reagon Luan Muça: Ja si është e vërteta…
Sipas të dhënave paraprake, rreth 10 persona kanë shkuar në ambientet e hotelit dhe dyshohet se i kanë kërkuar para biznesmenit. Në rast të mosdhënies së shumës së kërkuar, ata dyshohet se e kanë kërcënuar, ndërsa më pas janë dëgjuar të shtëna me armë zjarri, dyshohet me kallashnikov.
Një nga pistat që po hetohet është ajo e gjobëvënies, ku persona me precedentë kriminalë dyshohet se kanë ushtruar presion ndaj biznesmenit për t’i marrë para, duke e kërcënuar me pasoja nëse nuk pranonte të paguante. Megjithatë, kjo pistë mbetet në kuadër të dyshimeve dhe pritet të verifikohet nga hetimet e policisë.
Në vijim të veprimeve të para hetimore, policia ka shoqëruar mbi 15 persona. Disa prej tyre dyshohet se mund të kenë lidhje me ngjarjen, ndërsa po verifikohet roli i secilit prej tyre.
Përplasje titanësh në Orikum! Vasil Bedinaj vs Luan Muça: Resorti në Palasë dhe takimi i armatosur
Grupi hetimor po mbledh prova dhe dëshmi për të zbardhur dinamikën e plotë të ngjarjes, identifikuar personat e përfshirë dhe përcaktuar motivin e sulmit.
Hetimet vijojnë, ndërsa pritet që policia të japë më shumë detaje zyrtare mbi ngjarjen dhe personat e shoqëruar.
