SIGMA VIG bie në gropë me dëmshpërblimet! Rrit fitimin për siguracione dhe nuk paguan aksidentet
Zhvillimet e tregut të sigurimeve në Shqipëri për Janar-Shkurt 2026
Të ardhurat nga primet e shkruara bruto të sigurimit për periudhën janar-shkurt 2026 kapën vlerën 3,927 milionë lekë, ose 3.07% më shumë se janar-shkurt 2025. Gjatë periudhës janar-shkurt 2026, numri i kontratave të sigurimit të lidhura arriti në 228,358 me një rritje prej 0.22% krahasuar me të njëjtën periudhë të një viti më parë. Dëmet e paguara bruto në sigurimin motorik për periudhën janar-shkurt 2026 kapën vlerën 987 milionë lekë, duke pësuar një rritje me rreth 2.32% krahasuar me të njëjtën periudhë të një viti më parë.
Sigurimi i Detyrueshëm Motorik
Primet e sigurimit të detyrueshëm motorik, gjatë periudhës janar-shkurt 2026 arriti rreth 2,381 milionë lekë, ose 3.77% më shumë se në janar-shkurt 2025. Produkti MTPL e brendshme, në janar-shkurt 2026, pati një rritje prej 5.26% të vëllimit të primeve të shkruara bruto. Kjo u shoqërua edhe me një rritje të numrit të kontratave prej 7.93% krahasuar me janar-shkurt 2025. Produkti Karton Jeshil në janar-shkurt 2026 pati një ulje prej 4.33% të vëllimit të primeve të shkruara bruto. Kjo u shoqërua nga një ulje të numrit të kontratave prej 24.79% krahasuar me janar-shkurt 2025. Produkti Sigurim Kufitar, në janar-shkurt 2026, pati një ulje 7.90% të vëllimit të primeve të shkruara bruto krahasuar me janar-shkurt 2025 dhe numri i kontratave u ul me 3.53%.
Por pavarësisht këtyre shifrave në rritje, duket se disa prej kompanive më të mëdha të sigurimeve, gjëja kryesore është fitimi. Kështu duket se ndodh edhe me kompaninë Sigma VIG. Sipas të dhënave të publikuara, Sigma, për përiudhën Janar – Shkurt 2026 ka rritur ndjeshëm të ardhurat nga siguriacionet MTPL të Brendshme, duke fituar qindra mijëra euro. Por për sa I përket dëmeve të paguara, në sigurimin MTPL të Brendshme, , për përiudhën Janar – Shkurt 2026 ka pasur një rënie me 28 %. Ndërkohë edhe për Dëmet e paguara në sigurimin motorrik, Sigma rezulton se ka paguar 13% më pak se një vit më parë.
MTPL e brendshme (Sigurimi i Detyrueshëm i Autopërgjegjësisë) është siguracioni i detyrueshëm për automjetet në Shqipëri që mbulon dëmet materiale dhe trupore të shkaktuara palëve të treta brenda vendit. Ai mbulon përgjegjësinë tuaj financiare në rast aksidenti, me çmime që variojnë sipas faktorëve të riskut.