Kompania Salillari, përgjegjëse për mirëmbajtjen dimërore të Rrugës së Kombit, duket se nuk i ka dalë gjumi akoma nga pushimet e vitit të ri, ku mos hedhja e kripës dhe ngricat të shkaktojnë një aksidenti të rëndë zinxhir të ndodhur në afërsi të Rrëshenit. Një autobus është përmbysur dhe të paktën 10 automjete të tjera janë përplasur si pasojë e ngricave dhe mungesës së ndërhyrjes në rrugë.
Si pasojë e aksidentit, disa persona kanë mbetur të plagosur, ndërsa pasagjerët e autobusit dhe drejtuesit e mjeteve kanë përjetuar momente paniku. Qarkullimi është bllokuar për orë të tëra, ndërsa ndërhyrja ka qenë e vështirë për shkak të kushteve të rrezikshme të rrugës.
Sipas burimeve nga vendngjarja, nuk është hedhur kripë apo materiale kundër ngricës, pavarësisht se Salillari përfiton miliona euro nga fondet publike për garantimin e sigurisë gjatë sezonit dimëror. Kjo neglizhencë e rëndë ka kthyer aksin në një kurth vdekjeje për drejtuesit e mjeteve.
Banorë dhe përdorues të rrugës kërkojnë hetim të menjëhershëm dhe përgjegjësi penale, ndërsa institucionet shtetërore duhet të sqarojnë pse kontratat e mirëmbajtjes nuk po zbatohen, duke vënë në rrezik jetën e qytetarëve.