Miliarda lekë, ja 10 tenderët me vlerën më të lartë për 2025

Miliarda lekë, ja 10 tenderët me vlerën më të lartë për 2025

Në këtë artikull hulumtues renditen 10 tenderët me vlerën e fondit limit më të lartë të mbajtur nga Autoritetet Prokuruese gjatë vitit 2025. Të dhënat bazohen në monitorimin që AIS / Open Procurement Albania realizon çdo ditë mbi tenderimet publike në Shqipëri.

Tenderi me vlerën më të lartë të shpallur për 2025 është një procedurë koncesionare/PPP dhe koncesion, e cila ende nuk është finalizuar me fitues. Bëhet fjalë për procedurën: “Për dhënien me koncesion të segmentit për projektimin, ndërtimin, financimin, operimin, mirëmbajtjen, rehabilitimin dhe transferimin e segmentit rrugor Milot–Balldren”. Ky prokurim koncesionar mbahet nga Ministria e Infrastrukturës dhe Energjetikës dhe ka vlerë koncesioni prej 364,732,924 euro për një afat kontrate 35-vjeçar. Tenderi është njoftuar më datë 11 gusht 2025 dhe ende nuk ka pasur një finalizim të procedurës.

Të dhëna dhe dokumente për këtë procedurë Koncesionare mund ti aksesoni tek databaza Open Procurement Albania rubrika për Koncesion PPP: Koncesione – Open Procurement Albania .

Në listën e 10 tenderëve me vlerën më të lartë të financuar nga buxheti i shtetit, katër procedura janë zhvilluar nga Autoritetit Rrugor Shqiptar, të renditura si më poshtë:

1. Ndërtimi i Rrugës Kashar–Nyja Vaqarr, Faza 1, fituar nga Shoqëria 4 A-M, me vlerë oferte fituese pa TVSH prej 2.63 miliard lekësh. Link https://openprocurement.al/sq/arsh/view/id/564
2. Ndërtimi i Rrugës Kashar–Nyja Vaqarr, Faza 2, fituar nga Elmazaj Konstruksion dhe INC S.P.A, me vlerë oferte fituese pa TVSH prej 2.27 miliard lekësh. https://openprocurement.al/sq/arsh/view/id/563
3. Zgjerimi i Superstradës Tiranë–Durrës, Faza III, fituar nga ALB-Building, me vlerë oferte fituese pa TVSH prej 1.97 miliard lekësh. https://openprocurement.al/sq/arsh/view/id/416
4. Ndërtimi i By-Pass Sarandë, Faza 1, fituar nga Gjoka Konstruksion, me vlerë oferte fituese pa TVSH prej 1.76 miliard lekësh. https://openprocurement.al/sq/arsh/view/id/565

Operatori i Blerjeve të Përqendruara, ka zhvilluar procedurat për uniforma policie, të strukturuara në dy lote, të cilat janë anuluar pa përfunduar me lidhje kontrate. Konkretisht, bëhet fjalë për:

“Loti I – Blerje dhe shpërndarje uniforma, grada, stema dhe shenja për Policinë e Shtetit”, me fond limit 1,962,264,441 lekë pa Tvsh,  si dhe

“Loti I – Blerje uniforma dhe grada për Policinë e Burgjeve”, me fond limit 1,196,890,675 lekë pa Tvsh.

Sipas dokumentacionit zyrtar, anulimi është justifikuar nga rrethana të paparashikueshme dhe objektive, të lidhura me ndryshime në nevojat dhe aftësinë paguese të autoritetit kontraktor, si pasojë e ndryshimeve në Buxhetin e Shtetit.

Data.Al: 10 Tenderët më të Mëdhenj të mbajtur nga Autoritetet Kontraktore gjatë 2025 
Burimi: Open Procurement Albania
Komente dhe Analiza: Open Data Albania

Burimi: Open Procurement Albania
Komente dhe Analiza: Open Data Albania

Në renditjen e dhjetë tenderëve me vlerën më të lartë është edhe një Procedurë e Agjencisë Kombëtare të Shoqërisë së Informacionit AKSHI për blerje kompjuter. Fondi limit i shpallur për këtë procedurë arrin në 1,348,052,656.00 lekë pa Tvsh. Në këtë fazë, procedura rezulton me status “Njoftuar fituesi”, ku janë shpallur si fitues operatorët ekonomikë ATOM, INTROVUS SOLUTIONS dhe FASTECH.

Këshillit të Lartë Gjyqësor gjithashtu ka zhvilluar një tender, me objekt Sistemin e Integruar të Menaxhimit të Çështjeve Gjyqësore (ICMIS), një projekt me rëndësi të veçantë për digjitalizimin e sistemit të drejtësisë.  Fondi limit i kësaj procedure është 1,025,905,001.00 lekë pa TVSH, ndërsa kontrata është lidhur me operatorin ekonomik KREATX, me një vlerë kontraktore prej 1 109 250 000 lekë me Tvsh.

Operatori i Blerjeve të Përqendruara ka zhvilluar një Tender me objekt Furnizimin me lëndë djegëse diesel (Gazoil 10 ppm) për disa ente kontraktore.

Tenderi i dhjetë me vlerën më të lartë është zhvilluar nga Komisioni Qendror i Zgjedhjeve dhe ka si objekt Shërbimin Postar për zgjedhësit nga jashtë vendit. Procedura është realizuar përmes procedurës së negociuar pa njoftim paraprak. Fondi limit i shpallur për këtë procedurë është 1,008,333,333 lekë pa TVSH, ndërsa kontrata është lidhur me operatorin ekonomik DHL International (Albania) me një vlerë kontraktore prej 912,679,991 lekë me Tvsh. Deri tani për këtë procedurë janë paguar përmes thesari 676,036,722 lekë Link Transaksione Thesari https://spending.data.al/sq/treasury/list/year/2019/inst_code/1073001/perf_id/DHLINTERNATIONAL%2528ALBANIA%2529LTD

Monitorimi i përditshëm i procedurave prokuruese realizohet përmes databazës Open Procurement Albania (Prokurime Transparente), duke mbuluar sektorë si: Shëndetësia, Bashkitë, Fondi Shqiptar i Zhvillimit, Autoriteti Rrugor Shqiptar, Operatori i Blerjeve të Përqendruara dhe shoqëritë me zotërim publik.

Për çdo tender është ndërtuar një Pasaport me të dhëna të strukturuara dhe dokumente shoqëruese, ndërsa Pasaportat e Bizneseve Kontraktore janë të aksesueshme përmes Open Corporates Albania.