Mbetet në Durrës BOMBA mjedisore e KURUM!
Policia ka ekzekutuar 20 masa sigurie nga 33 urdhër-arreste të lëshuara nga Prokuroria e Durrësit, në lidhje me 2 mijë e 800 ton mbetjet e kthyera nga Tajlanda në tetor të vitit 2024, pasi kishin dalë nga vendi ynë në korrik të atij viti.
Përmes një njoftimi zyrtar, prokuroria e Durrësit ka dhënë detaje nga operacioni i zhvilluar prej policisë në tre qytete, ku nuk u arrit të viheshin në pranga 13 prej personave të përfshirë.
Sipas organit të akuzës, mbetjet ishin shpërndarë në 102 kontejnerë, nga ku në 11 prej tyre u morën mostra për ekspertim në një laborator në Itali. Analizimi i tyre zbuloi praninë e elementëve të rrezikshëm.
Në mostrat e marra nga kontenierët e sekuestruar, shoqëria Kurum International sh.a. dhe Alliance Resource, konstatohet prania e elementëve (dhe përbërjeve të tyre) që përbëjnë rrezik për shëndetin e njeriut dhe mjedisin, që lidhen me rrezikun e toksicitetit për riprodhimin dhe ekotoksicitet, veçanërisht ndaj ekosistemeve ujore. Në përputhje me legjislacionin europian dhe kombëtar, materiali duhet t’i nënshtrohet rikuperimit të kontrolluar, stabilizimit dhe trajtimit të përshtatshëm përpara depozitimit përfundimtar”.
Kjo përgjigje e marrë bindi hetuesit se 33 personat e përfshirë, për të cilët gjykata lëshoi masa sigurie, dyshohet se kanë konsumuar disa vepra penale. Konkretisht: “kontrabandë me mallra të ndaluar ose të kufizuar”, “transporti i mbetjeve”, “falsifikim dokumentash”, “pastrim i produkteve të veprimtarisë kriminale” dhe “shpërdorim detyre”.
Mes personave të vënë në akuzë, tashmë të arrestuar janë zyrtarë të Doganës së Durrësit dhe Agjencisë Kombëtare të Mjedisit, mes të cilëve drejtoresha e përgjithshme e këtij institucioni, si dhe ish-drejtuesja e saj.
Ndërkohë, në kërkim është shpallur E.D., administratori i ‘Kurum International’, për të cilin gjykata e Durrësit ka lëshuar në mungesë masën “arrest me burg”.
Të njëjtën masë shtrënguese gjykata ka caktuar edhe për pronaren e kompanisë “Sokolaj”, Gj. S., gjithashtu e shpallur në kërkim nga policia, e cila i kishte blerë mbetjet nga Kurum për t’i dërguar në Tajlandë.
Të 102 kontejnerët e kthyer aktualisht vijojnë të jenë në portin e Durrësit, pasi me urdhër të prokurorisë së këtij qyteti janë sekuestruar në cilësinë e provës materiale.
Masat e sigurisë
Erdal Demir Administratori i “Kurum International” në arrest me burg
Yusuf Sezai Kurum Administrator me prokurë i “Kurum” në arrest me burg
Gjovana Sokolaj Pronare e kompanisë “Sokolaj” në arrest me burg
Doni Sokolaj Administrator i kompanisë D.o.o Minerals në arrest me burg
Olizana Pemati Ish- administratore e kompanisë “Sokolaj” në arrest me burg
Mujo Ilazaj Drejtori i Transportit në kompaninë “Kurum” në arrest me burg
Rami Bunga Specialist pranë zyrës së mjedisit në “Kurum” në arrest me burg
Harun Sarica Drejtori i prodhimit të çelikut në “Kurum” në arrest me burg
Arif Shkalla Drejtues në kompaninë “Kurum” në arrest me burg
Shaban Hyseni Drejtor i departamentit te shitjeve në “Kurum” në arrest me burg
Mirjeta Zotaj Kontabiliste e kompanisë “Sokolaj” në arrest shtëpiak
Mikail Hila Aksioner i agjencisë doganore “Joti Spedition” në arrest me burg
Mbarime Koroci Aksionere e kompanisë “Alliance Resource” në arrest me burg
Nazif Bajrami Pronar i kompanisë “Bajrami N” në arrest me burg
Andon Prifti Administrator i kompanisë “Bajrami N” në arrest me burg
Petrit Qosja Person fizik në tregtinë e mbetjeve në arrest me burg
Julian Kapedani Dega e Doganës Durrës në arrest me burg
Indrit Likaj Dega e Doganës Durrës në arrest me burg
Helidon Lila Dega e Doganës Durrës në arrest me burg
Edmond Voda Dega e Doganës Durrës në arrest me burg
Shkëlqim Jakupi Dega e Doganës Durrës në arrest me burg
Florian Çimo Administrator i kompanisë koncesionare EMS APO në arrest me burg
Gazmend Sina Punonjës i kompanisë koncesionare EMS APO në arrest me burg
Ingo Hesse, administrator i kompanisë EMS APO në arrest me burg
Arta Dollani Ish- drejtoresha e Përgjithshme e AKM në arrest shtëpiak
Marjeta Përlala Drejtoresha aktuale e AKM në arrest shtëpiak
Dritan Seferaj Drejtoria e Inspektim- Kontrollit, AKM në arrest me burg
Kledina Skendo Sektori i monitorimit të lejeve mjedisore, AKM në arrest shtëpiak
Bujana Tonçiça Sektori i lejeve mjedisore, AKM në arrest shtëpiak
Evis Mellonashi Sektori i lejeve mjedisore, AKM në arrest shtëpiak
Kejdi Ahmetaj Drejtoria e Inspektimit, AKM në arrest me burg
Iva Musa Inspektore e Autoritetit Portual Durrës, arrest shtëpiak
Xhulio Golgota Inspektor i Autoritetit Portual Durrës, arrest me burg