Kush je ti e kush jam unë! Si ndodhi sherri në Bllok, Nadir Çausholli i CFO Pharma vuri një karikues elektrik…
Detaje të reja kanë dalë në dritë lidhur me konfliktin ku u përfshi pronari i kompanisë farmaceutike “CFO Pharma”, Nadir Çausholli, mesditën e së hënës (6 korrik), në zonën e ish-Bllokut në Tiranë.
Si pasojë e incidentit, personi i dëmtuar ka depozituar një kallëzim penal ndaj Çaushollit për veprat penale të “kanosjes” dhe “shkatërrimit të pronës”.
Sipas informacioneve që InfoNews ka siguruar nga burime në Policinë e Shtetit, në zanafillë të konfliktit ka qenë vendosja e një karikuesi elektrik për automjete nga Nadir Çausholli.
Grushta në mes të Bllokut! Nadir Çausholli i CFO Pharma kallëzohet për kanosje
Burimet bëjnë me dije se karikuesi ishte hequr më herët me ndërhyrjen e institucioneve ligjzbatuese, pasi kishte lindur një mosmarrëveshje mbi vendosjen e tij. Çështja, sipas të njëjtave burime, është dërguar edhe në Gjykatën e Tiranës për t’u zgjidhur në rrugë ligjore.
Megjithatë, pasi karikuesi u hoq nga autoritetet, Çausholli dyshohet se është rikthyer dhe e ka rivendosur atë, duke sjellë përshkallëzimin e konfliktit që kulmoi me përplasjen e së hënës.
Rrethanat e plota të ngjarjes janë ende nën verifikim, ndërsa policia po vijon hetimet për të sqaruar dinamikën dhe përgjegjësitë e secilës palë.
