Prej disa orësh, Prokuroria e Tiranës në bashkëpunim me strukturat e Krimit Ekonomik po zhvillojnë një kontroll të gjerë në ambientet e kompanisë farmaceutike CFO Pharma. Burime pranë hetuesve bëjnë me dije se aksioni është ndërmarrë pas dyshimeve të arsyeshme për praninë e ilaçeve të kontrabanduara në magazinat e subjektit.
Kontrollet janë shtrirë në disa ambiente të kompanisë, ndërsa grupet e hetimit po verifikojnë dokumentacionin shoqërues dhe origjinën e medikamenteve të sekuestruara.
Deri më tani nuk ka një njoftim zyrtar nga autoritetet mbi rezultatet e aksionit, por hetimet po vijojnë për të zbardhur nëse bëhet fjalë për shkelje të ligjit dhe përfshirje në rrjete kontrabande farmaceutike.
Mësohet se, pas përfundimit të veprimeve të para, Prokuroria e Tiranës pritet të japë një deklaratë për mediat.