Prokuroria e Posaçme ka intensifikuar hetimet ndaj Ergys Agasit dhe Ermal Beqirit, dy biznesmenë të dyshuar si drejtues të një grupi të strukturuar kriminal, i cili sipas hetimeve paraprake dyshohet se ka manipuluar sistematikisht tenderat publikë të AKSHI-t. Hetimi është zgjeruar edhe ndaj familjarëve dhe personave të bashkëlidhur, për të identifikuar raste të mundshme të fshehjes apo transferimit të pasurive. Në sitë janë futur edhe kompani të sektorit të ndërtimit, përfshirë Fortis Beton, e lidhur me biznesmenin Orest Sota, pasi dyshohet se një pjesë e parave të përfituara nga aktiviteti i paligjshëm i Ergys Agasit është futur në tregun e ndërtimit përmes këtyre subjekteve.
Por si ka rënë SPAK në gjurmët e Orest Sotës?
Në dosjen hetimore të SPAK, ku u godit grupi i strukturuar kriminal i AKSHI-t, me në krye biznesmeni Ergys Agasi, Ermal Beqiri dhe Mirlinda Karcana, BKH ra në gjurmët e disa komunikimeve. Në dosjen e SPAK përmendet një episod, ku Ergys Agasit me Alqi Bllakon diskutonin lidhur me disa pengesa për realizimin e përfitimeve të paligjshme dhe manipulimin e tenderave. Më konkretisht, Ergys Agasi flet për një person me nofkën “Labi””, i identifikuar si Elgert Bixha, të cilin ai synonte ta emëronte administrator në një shoqëri private që kishte fituar një koncesion nga ministria e drejtuar në atë kohë nga Damian Gjiknuri. Sipas të dhënave në QKB, Elgerti Bixha rezulton të jetë administrator i kompanisë “FORTIS Inert”. Kjo kompani ka si shoqëri mëmë, FORTIS BETON, të zotëruar nga Orest Sota. Kompania ne pronësi të Orest Sotës, ka marrë leje për dy kulla 30 kate në Tiranë. Një kompleks kullash do ndërtohet tek ish-UET, ndërsa një kullë 30 kate që ka formën e një pëllëmbe dore do ta ndërtojë në zonën e Don Boskos.
I. Shoqëria ”FORTIS INERT “, është shoqëri me përgjegjesi të kufizuar e së drejtës shqiptare, themeluar me datë 02/11/2022 me NUIS M22309039E me seli qendrore ne Tiranë, Rr. “Irfan Tomini”, Pallati “Bjorn”, Kati 2, Njësia Bashkiake nr. 7. me administrator Elgerti Bixha. Ortaket e shoqërisë janë Elgerti Bixha dhe shoqëria “FORTIS BETON CO.”. (Sipas të dhënave të QKB deri me datë 13.01.2023)
II.FUTBOLL CLUB DINAMO CITY, shoqëri aksionere e së drejtës shqiptare, regjistruar me datë 20.09.2021, me NIPT M12121037S, me seli qendrore në Durrës, Rruga “Asti Gogoli” Lagjia nr.14, Pasuria me nr.5/104, Vol.9, faqe 214, ZK.8516, Durrës dhe me të administrator Ilir Sinani.(Sipas Ekstraktit historik të shoqërisë datë 07.06.2024)”
Kujtojmë se edhe vetë Orest Sota, është thirrut në SPAK, rreth një vit më parë. Por jo për AKSHIN, por për dyshime për pastrim parash në fushën e ndërtimit.
Sota është trashëgimtar i kompanisë Fortis BETON shpk nga babai i tij, ndërkohë që disa kohë më parë Orest SOTA, bleu 30% të aksioneve të kulbit Dinamo City duke kontretizuar edhe në letra, përveç nëntokës, partneritetin me Ergys Agasin, i cili ka të dhëna se shtrihet në fakt edhe nën themelet e disa kullave në Tiranë.
