Detaje të reja nga aksioni i SPAK në kuadër të të cilit u godit grupi kriminal Rraja. Burime pranë Prokurorisë së Posaçme bëjnë me dije se janë firmosur 14 urdhër arreste, përfshirë edhe Rexhep Rraja, djali i ish-deputetit socialist Rrahman Rraja dhe pjesëtarë të tjerë të familjes Rraja. Shtatë persona u arrestuan gjatë aksionit mëngjesin e sotëm, ndërsa të tjerët ndodhen në paraburgim për vepra të tjera penale, ndërsa katër vijojnë të jenë në kërkim. Nga hetimet SPAK ka mundur të zbulojë se grupi kriminal trafikonte marijuanë dhe heroinë në Turqi, Mal të Zi dhe vende të BE-së.
“Këta shtetas akuzohen për veprat penale trafikimi i lëndëve narkotike e kryer në bashkëpunim në formën e veçantë të bashkëpunimit, atë të grupit të strukturuar kriminal”, njoftoi SPAK.
Grupi kriminal me bazë në Nikël ka trafikuar sasi të mëdha droge në vlera të konsiderueshme.
Të arrestuar gjatë aksionit të sotëm:
Marvin Bushati
Agim Nina alias Lorenc Selmani
Sokol Qaja
Gazmir Rraja
Perparim Rraja
Rexhep Rraja
Zamir Aliaj
Të arrestuar më herët:
Islam Sefa
Jani Çavo
Aldo Gjini
Në kërkim:
Ervis Shuli
Në kërkim për vepra tjera trafik droge me Gjermaninë për disa episode:
Bujar Sefa
Hajdar Sefa
Vildan Baroku