>Prokuroria e Posaçme njoftoi pak dite me pare për goditjen e një grupi të dyshuar kriminal në krye të Agjencisë Kombëtare të Shoqërisë së Informacionit, AKSHI, duke vendosur 8 persona nën akuzë për një seri veprash penale, mes të cilëve edhe drejtoreshën e kësaj Agjencie, Mirlinda Karçanaj.
Sipas hetimit, Ergys Agasi, një personazh kontrovers dhe biznesmeni Ermal Beqiraj krijuan një grup të strukturuar kriminal për manipulimin e tenderave të AKSHI-it, duke përdorur dhunë dhe pengmarrje. Ndërsa Agasi dhe Beqiraj I shpëtuan arrestimit, janë nën masën arrest shtëpie si pjesë e këtij grupi kriminal dy krerët e kësaj agjencie, drejtoresha Mirlinda Karçanaj dhe zv.drejtoresha Hava Delibashi.
Hetimet tregojnë se në sistemin “CATS” të Drejtorisë së Përgjithshme të Tatimeve rezulton se subjekti “EA Solution” sh.p.k. ka faturuar shitje në drejtim të subjektit “Fastech” sh.p.k. për periudhën 11.12.2014 – 26.09.2025 shumën prej 2 235 761 543 ALL.
Në drejtim të subjektit “First” sh.p.k. shumën prej 139 317 172 ALL.
Në drejtim të subjektit “Soft & Solution” sh.p.k. shumën prej 527 765 506 ALL.
Si konkluzion, rezulton se faturimet e kryera nga “EA Solution” sh.p.k. në drejtim të subjekteve të tjera të përshkruara më sipër janë fiktive dhe me qëllim përfitimin e parave që rrjedhin nga procedurat e prokurimeve të paracaktuara nga grupi kriminal. Ky fiktivitet konstatohet në faktin që subjekti “EA Solution” sh.p.k. nuk ka ambiente për realizimin e aktivitetit të biznesit, përdor ambientet e “Soft & Solution” sh.p.k., punonjës të deklaruar në emër të këtij subjekti janë rekrutuar nga punonjës të brendshëm të subjektit “Soft & Solution” sh.p.k., dhe nuk ka pasur asnjëherë kontakte me administratën e subjektit “EA Solution” sh.p.k., shtetasin Ina Çiko.
Nga ana tjetër, gjatë kontrollit të kryer nuk janë konstatuar asnjë dokument lidhur me kontraktimin e shërbimeve që merrte nga subjektet e tjera. Gjithashtu, në deklarimet e shtetasit Andis Papa dhe Gëzim Hoxha thuhet se ata kanë kontraktuar shërbime me “EA Solution” sh.p.k. nëpërmjet shtetasit Ermal Beqiri, i cili ka drejtuar këtë subjekt.
Pra, të gjitha aktivitetet e paligjshme të shtetasit Ermal Beqiri dhe Ergys Agasi kishin për qëllim përfitimin e paligjshëm të fondeve të marra nga kontratat publike me institucionin e AKSHI-t.
Veprimtaria kriminale sipas hetimeve
Nga hetimet e kryera rezulton se shtetasit Ergys Agasi, Ermal Beqiraj, Mirlinda Karçanaj, Mava Delibashi, Erjon Ismaili, Andis Papa, Gëzim Hoxha, si dhe persona të tjerë, në bashkëpunim me njëri-tjetrin në formën e grupit të strukturuar kriminal, kanë organizuar dhe implementuar një skemë për paracaktimin e fituesve në procedurat e prokurimit të kryera në Agjencinë Kombëtare të Shoqërisë së Informacionit (AKSHI), me qëllim përfitimin e paligjshëm të fondeve publike që rrjedhin nga pagesat lidhur me kontratat publike të prokuruara.
Kjo skemë konsiston në përcaktimin e paligjshëm të kritereve konkurruese për procedurat e prokurimit, të cilat vendosen me qëllim përjashtimin nga gara të operatorëve ekonomikë ofertues dhe paracaktimin e fituesit, duke krijuar arsye të ndryshme për skualifikim.
Sekuestrimet dhe provat
Gjatë kontrollit të kryer janë sekuestruar disa aparate celularë, kamera, kompjuterë dhe dokumente fizike. Ndër to është sekuestruar dhe pajisja kompjuterike “4-Sat Battery Camera”, e cila është dërguar për ekspertim kompjuterik me akt-ekspertimin nr. 207, datë 17.07.2025.
Nga ekspertimi kompjuterik janë konstatuar të dhëna kompjuterike. Nga këqyrja e këtyre të dhënave rezulton se në këtë pajisje ndodhet dosja kompjuterike e emërtuar “DCIM”, brenda së cilës ndodhen disa nën-dosje elektronike që përmbajnë të dhëna kompjuterike në format “MP4 Video File”, me emërtime të veçanta.
Nga këqyrja e këtyre të dhënave kompjuterike janë konstatuar pamje filmike me interes për hetimin. Nëpërmjet aplikacionit VLC Media Player është bërë shikimi i videove si dhe transkriptimi i komunikimeve të kryera gjatë këtyre pamjeve.
Mësohet se këto kamera të fshehta janë vendosur gjatë takimeve që Agasi ka pasur në një nga zyrat e tij të Equos Resort, që ai kishte blerë disa kohë më parë. Në këtë zyrë, ku sipas të dhënave nga SPAK kanë hyrë biznesmenë, drejtues policie dhe politikanë, do të shërbejnë për hetimin e mëtejshëm
