Unioni i Gazetarëve Shqiptarë, institucion ky i drejtuar nga Aleksandër Çipa, vëllai i drejtorit të Policisë Ardian Çipa, vlerësoi me Certifikatë të Mirënjohjes Drejtorin e Përgjithshëm të Policisë së Shtetit, Drejtues Madhor Ilir Proda, për bashkëpunimin mjaft të mirë, sipas tyre transparent dhe në kohë, mes Policisë së Shtetit dhe medias.
Në këtë takim të pranishëm ishin kryetari i Unionit, për qarkun e Fierit Vladimir Muçaj, njëkohësisht redaktor i medias online “Newsalbania”, së bashku me gazetarët Mariglen Bita dhe Ervis Profka (Fieri web.com), si dhe gazetarin Fatmir Popja, i cili mbulon ngjarjet e Elbasanit por si duket i është bashkuar grupit të Fierit.
Edhe pse këtij takimi i mungojnë figura të rëndësishme të medias që mbulojnë Policinë e Shtetit duket se grupi i gazetarëve të Fierit nuk janë mjaftuar me falenderimet në Fier por me vetbesim kanë marrë rrugën deri në Tiranë për të lavdëruar punën e mirë të Kryepolicit.