SKANDAL I DYSHUAR TEK AMA/ SPAK: Anëtarët morën nga Grupi Kriminal, 30 mijë euro ryshfet për një licencë TV
///////
Zbardhja e komunikimeve të SKY ECC ka nxjerrë në pah dyshime të forta për një skandal të mundshëm brenda Autoritetit të Mediave Audiovizive (AMA). Sipas dosjes së SPAK, po hetohen indicie se shuma deri në 30 mijë euro mund të jenë kërkuar ose marrë në mënyrë të parregullt për dhënien e një licence televizive që, sipas hetimeve, lidhej me persona të përfshirë në trafikun e kokainës.
Në materialet hetimore të SPAK përmenden komunikime mes të dyshuarve Ardian Zykaj dhe Alfred Hamzaj, ku flitet për përfshirjen e disa anëtarëve të AMA. Një nga mesazhet e zbardhura përmban shprehjen: “Janë tre anëtarë”, ndërsa prokurorët dyshojnë se një shumë parash mund t’u jetë ofruar për të ndikuar në procesin e licencimit.
Këto janë dyshime të ngritura nga SPAK në kuadër të hetimeve dhe pritet të verifikohen gjatë procedurave hetimore. Deri në këtë fazë nuk ka një vendim gjykate që të provojë përgjegjësi penale për personat e përmendur.
Pjesë nga biseda e zbardhur në SKY ECC, sipas dosjes së SPAK:
-“Mgjes Derman”
–“Nuk e kuptova sa ka akoma.”
-“Janë tre anëtar.”
–“Sa lekë duhen paguar akoma?”
-“Edhe 30 eu?