Wizz Air e bën sërish! Braktis dhjetëra shqiptarë në Trieste
Dhjetëra pasagjerë të Wizz Air kanë mbetur të bllokuar për orë të tëra në aeroportin e Triestes, pas vonesave të njëpasnjëshme të fluturimit drejt Tiranës.
Denoncimi është bërë nga Kozeta Zavalani, e cila shkruan se fluturimi i planifikuar për në orën 21:00 u shty fillimisht në 21:30, më pas në 22:30 dhe, edhe pas mesnate, pasagjerët nuk kishin marrë një shpjegim apo zgjidhje nga kompania.
“Duhet të jem në punë nesër. Kush mban përgjegjësi? Askush. Na jepni një zgjidhje”, shkruan Zavalani në reagimin e saj, ndërsa shpreh edhe pakënaqësinë për mungesën e informacionit.
Fotot e publikuara tregojnë dhjetëra udhëtarë, mes tyre familje me fëmijë, të ulur në dyshemenë e terminalit në pritje të nisjes së fluturimit. Deri në momentin e publikimit të denoncimit nuk ishte bërë i ditur shkaku i vonesës nga Wizz Air.
Kliko ketu per te pare videot: https://web.facebook.com/groups/2016353208548170/posts/3235684709948341