SPAK 10 urdhër kontrolle për Zvërnecin
Një valë e re kontrollesh ka përfshirë Tiranën dhe Vlorën këtë të hënë, me urdhër të Prokurorisë së Posaçme, në lidhje me pronat në Zvërnec. InfoNews,al, mëson se janë lëshuar të paktën 10 urdhër kontrolle personale fizike por edhe bizneseve, kompani e banesa. Aksioni i agjentëve të BKH-së, i udhëruar nga prokurorët e SPAK, Altin Dumani dhe Elida Kaçkini, vjen në një moment tensioni, ku në Vlorë kanë nisur protestat e para të qytetarëve dhe aktivistëve kundër ndërtimit të resortit luksoz të Ivanka Trump e Jared Kushner në këtë zonë me rëndësi të lartë ekologjike. Urdhër kontrollet janë firmosur nga gjyqtarja e Posacme Flojera Davidhi. Kontrolle janë ushtruar, në banesën e biznesmenit Redi Struga, në rrugën Bardhyl në Tiranë, ndërsa për të është firmosur edhe kontrolli personal.
- Leonard Bishaj
- Kontroll i banesës në Vlorë (ose çdo adresë tjetër ku banon efektivisht).
- Kontroll personal.
- Shoqëria “Adhenis” sh.p.k.
- Kontroll i zyrës në Vlorë.
- Pullumb Petritaj
- Kontroll i banesës në Vlorë (ose çdo adresë tjetër ku banon efektivisht).
- Kontroll personal.
- Armalindo Petritaj
- Kontroll personal.
- Kontroll i banesës së marrë me qira në kompleksin Ambasador 3, Tiranë.
- Enkes Hysendhima
- Kontroll i banesës në Orikum, Vlorë (ose çdo adresë tjetër ku banon efektivisht).
- Kontroll personal.
- Zyra e avokatisë së Enkes Hysendhimës
- Kontroll i zyrës në Vlorë.
- Feriare Ndreu
- Kontroll i banesës (në adresën e përmendur në vendim ose çdo adresë tjetër ku banon efektivisht).
- Kontroll personal.
- Ina Shuraja
- Kontroll i banesës në Tiranë (ose çdo adresë tjetër ku banon efektivisht).
- Kontroll personal.
- Redi Struga
- Kontroll i banesës në Tiranë (ose çdo adresë tjetër ku banon efektivisht).
- Kontroll personal.
- Shoqëria Tregtare
- Kontroll i zyrës në Tiranë.
Pra, urdhri i kontrollit përfshin 7 persona fizikë, 2 kompani/zyra biznesi, si dhe zyrën e avokatisë së Enkes Hysendhimës. Në shumicën e rasteve është autorizuar si kontrolli i banesës, ashtu edhe kontrolli personal.
