Drejtori i Përgjithshëm i Policisë së Shtetit, Skënder Hita, dhe ministri i Brendshëm, Besfort Lamallari, folën sot për mediat. Ata dhanë detaje mbi vrasja e policit në Lozhan të Maliqit. Ngjarja ndodhi më 4 qershor. I dyshuari, Violand Braçellari, qëlloi për vdekje efektivin Enea Mekolli dhe plagosi Edison Adrin. Pas kësaj, ai plagosi edhe veten.
Hita shpjegoi se policia e Korçës kishte vlerësuar informacionin për Braçellarin. Sipas tij, ata nuk kërkuan forca shtesë. Në aksion morën pjesë 40 forca policie, të pajisura me mjete të nevojshme, përfshi antiplumb. Megjithatë, arma “Kallashnikov” e përdorur nga autori, depërtoi antiplumbin. Kryepolici konfirmoi që Mekolli do të nderohet me titullin “Dëshmor i Atdheut”.
Ai theksoi se disa operacione ishin organizuar nga policia e Korçës. Forcat speciale ishin angazhuar, por kapja e Braçellarit dështoi. Hita urdhëroi verifikimin e punës së policisë për të zbuluar arsyet e dështimit. Ai shprehu ngushëllimet për familjen e Mekollit, duke e quajtur aktin e tij një heroizëm.
I pyetur për planin operacional, Hita sqaroi se efektivët ishin të trajnuar. Operacioni u zhvillua nga Policia e Korçës dhe masat ishin në përputhje me situatën. Në këtë operacion morën pjesë shërbimet e specializuara, përfshi Shqiponjat. Të gjithë punonjësit ishin të pajisur me jelekë antiplumb, por arma e autorit kishte çarë mbrojtjen.
Hita shpjegoi gjithashtu për procedurat për shpalljen e Mekollit si dëshmor. Hetimi disiplinor ka filluar dhe do të ndjekin procedurat për statusin e dëshmorit. Ai theksoi se familjaret e efektivit do të mbështeten. Kryepolici sqaroi se nuk kishte pasur dijeni për aksionin e policisë.
“Një polic shembullor humbi jetën dhe një tjetër u plagos. Kam urdhëruar hetimin e procedurave të policisë së Korçës”, tha Hita. Në lidhje me personat e tjerë në kërkim, ai paralajmëroi se Policia e Shtetit do të japë një përgjigje të fortë.
Ministri Lamallari shprehu ngushëllimet për familjen e policit të rënë. Ai theksoi se shteti është pranë familjarëve dhe policit të plagosur, Edison Adri. “Jemi këtu për t’u shprehur mbështetje”, përfundoi ai.