SIGMA rrit fitimet, por ul pagesat për dëmet në MTPL
Të dhënat më të fundit për tregun e sigurimeve motorike hedhin hije dyshimi mbi mënyrën sesi po funksionon SIGMA Vienna Insurance Group në segmentin e MTPL-së së brendshme.
Ndërsa kompania ka rritur ndjeshëm të ardhurat nga primet e shkruara bruto, pagesat për dëmet kanë pësuar një rënie të fortë me 15.51% gjatë periudhës janar-prill 2026.
Sipas tabelës së dëmeve të paguara, SIGMA ka zbritur nga 245.583 në vitin 2025, në vetëm 207.490 në vitin 2026. Edhe pesha e kompanisë në totalin e tregut ka rënë ndjeshëm, nga 16.91% në 12.78%.
Kjo ndodh në një kohë kur tregu në tërësi ka ecur në drejtim të kundërt. Totali i dëmeve të paguara për MTPL e brendshme është rritur me 11.84%.
Pra, ndërsa qytetarët po paguajnë më shumë prime sigurimi, SIGMA po paguan më pak dëmshpërblime.
