Një rrjet i organizuar kompanish dhe individësh, të lidhur ngushtë me pushtetin, dyshohet se ka përvetësuar miliona euro nga tenderët e AKSHI. Ergys Agasi, pa asnjë post zyrtar, konsiderohet “eminenca gri” që shpërndan kontratat, ndërsa kompania e tij EA Solutions ka deklaruar fitime të pazakonta prej 2.3 milion euro në një vit. Partneri i tij kryesor, Ermal Beqiri, me Soft & Solution, faturon rreth 80% të tenderëve të institucionit, duke ngritur dyshime për favorizim dhe koordinim të fshehtë. Theodhori Çami, përmes rrjetit të agjencive të reklamës dhe medias që kontrollon, ka siguruar tendera të mëdhenj për fushata publike, duke simuluar konkurrencën mes kompanive të tij të lidhura.
Gerond Meçe dhe kompania e tij ABS kanë përvetësuar 46 milionë euro përmes kontratave sekrete dhe procedurave fiktive, duke përdorur si mburojë gjyshen Shegush Meçe. SPAK ka nisur hetime, ka kryer kontrolle dhe ka sekuestruar dokumente dhe pajisje elektronike në zyrat e kompanive të dyshuara. Rotacioni i tenderëve, favoritizimi institucional dhe fitimet jashtë standardeve të biznesit tregojnë një skemë të qartë pastrimi parash. Kompania Artificial Intelligence Business Solutions, e themeluar nga Meçe, shërben si “çantë” për të zhvendosur paratë publike jashtë sistemit. Arben Ahmetaj, ish‑zv/kryeministër, e ka denoncuar publikisht Agasin si koordinator të grupeve mafioze dhe shpërndarës të fondeve publike.
Gazetarët e quajnë këtë fenomen “magji financiare”, por SPAK ka nisur procedime penale dhe kontrollon çdo lëvizje të dyshuar. Sipas të dhënave të publikuara, tenderat e AKSHI-t janë kthyer në një “kopsht privat”, ku paratë e shqiptarëve kanalizohen tek kompani dhe individë të zgjedhur. Pra skema e lidhur mes Agasit, Beqirit, Çamit dhe Meçes tregon një koordinim të fshehtë që ka përfituar miliona euro në kurriz të buxhetit shtetëror. Më poshtë po pasqyrojmë detajet se kush janë këta biznesmenë dhe çfarë aktivitet bëjnë./ Gazeta Sot
