Skandali tek One Albania! A u përdor DPI izraelite për të dhënat e shqiptarëve? Kompania: Situata do zgjasë deri në 72 orë
Prej dy ditësh rrjeti i kompanisë celulare One Albania, po bllokon aksesin në disa faqe interneti. Shumë përdorues shohin paralajmërime si “rrjeti nuk është i sigurt” ose pamundësi për të hapur faqe që funksionojnë normalisht në rrjete të tjera.
ONE Albania ka renditur faqen e Kryeministrisë dhe mediat me domain “.al” si të pasigurta, duke i cilësuar “armikë” të internetit shqiptar. Madje edhe faqja e Prokurorisë së Posacme SPAK, nuk arrin të aksesohet.
Këto shqetësime vijnë pak kohë pasi Autoriteti Kombëtar i Sigursë Kibernetike (AKSK) ka konfirmuar zyrtarisht se në rrjetet e One Albania dhe Vodafone janë instaluar pajisje të teknologjisë Deep Packet Inspection (DPI) marrë me huazim nga autoritetet kibernetike të Izraelit. DPI një teknologji e njohur globalisht për aftësinë e saj për të monitoruar, filtruar dhe kontrolluar trafikun e internetit.
InfoNews, mëson se kjo situatë e krijuar nga One Albania, ka shumë mundësi që të vij nga tentativa e përdorimit të DPI, nga rrjeti One Albania, pavarëisht se në vendin tonë nuk ka një kuadër ligjor për përdorimin e kësaj teknologjie.
Ndërkohë, përdoruesit po ndiejnë pasojat direkt, duke mos pasur akses në disa faqe dhe duke hasur probleme sigurie gjatë shfletimit. Kjo ka ngritur pyetje të forta mbi sa i gjerë është bllokimi dhe nëse DPI po përdoret edhe për qëllime të tjera.
Skandal në One Albania! Bllokime faqesh dhe paralajmërime sigurie, armik edhe faqja e Kryeministrisë
Ndërkohë InfoNews.al ka kontaktuar kompaninë One Albania, ku pranon këtë problematikë. Madje sipas One Albania, kjo situatë do të zgjasë deri në 72 orë derisa rrjeti i One Albania të kthehet në normalitet.