Gjykata e Durrësit ka lënë në masën e sigurise arrest me burg, 25-vjecarin Marjan Kedheli, i cili vrau me thikë të atin, 69-vjeçari Pjetër Kedheli.
Krimi i rëndë në familje u shënua në banesën e tyre në fshatin Shkallnur më 28 tetor.
“Babai im, Pjetër Kodheli, më ka kërkuar të angazhohem më shumë në pritjen e njerëzve, pasi gjyshja kishte ndërruar jetë një javë më parë dhe familja priste vizita. Babai më ka kapur për fyti dhe më ka thënë: ‘Unë i kam bërë ditët e mia.’
“Nuk është se jam unë sulmuesi, mund të ketë qenë ndonjë tjetër. Nuk e kam sulmuar unë. Nuk ndihem i qetë. Më vjen shumë keq që jam këtu për një situatë të tillë, nuk di si ta shpjegoj. Kam punuar në ndërtim, kam qenë gjashtë vjet jashtë dhe nuk kam pasur asnjë lloj problemi më parë. Nuk kam aktivitet negativ në përgjithësi.”
Dyshohet se ngjarja është zhvilluar në kuzhinën e banesës së familjes Kodheli, kur Marjani dhe i ati, Pjetri, kanë mbetur të vetëm. Janë konstatuar shtatë plagë në trupin e viktimës. Në vendngjarje janë gjetur dy thika të përdorura, ndërsa dyshohet se njera prej tyre nuk ishte nga ato që zakonisht ndodheshin në shtëpi.
Marjani dukej i mërzitur gjatë ditës, ndërsa rrinte i mbyllur që prej kthimit të tij nga emigracioni në Francë.
Avokatja e caktuar kryesisht ka kërkuar të bëhet një vleresim mjeko-ligjor për shëndetin mendor të të riut.
“Ndjejmë keqardhje për ngjarjen. Marjani ende nuk i kupton veprimet që ka kryer. Kërkojmë të bëhet një akt ekspertimi mjeko ligjor psikik”, thotë prokurorja Matilda Fetahu.