Pjesë e grupit të Inez Hajrullës, arrestohet ish shefi i krimeve Rezart Kuçi
Në kuadër të aksionit që goditi grupin e Inez Hajrullës në Vlorë, AMP, me urdhër të SPAK, ka arrestuar punonjësin e policisë, Rezart Kuçi. Ndaj tij janë ngritur akuzat për “shpërdorim detyre”, “trafik droge” dhe “grup të strukturuar kriminal”.
Aktualisht, Kuçi ishte shef seksioni dhe ekspert i policisë shkencore në Drejtorinë e Policisë së Kukësit.
Më parë, ai ka qenë zëvendës-shef komisariati dhe shef për hetimet e krimeve në Komisariatin e Policisë nr. 1 në Tiranë. Kuçi gjithashtu ka mbajtur më parë postin e shefit të komisariatit dhe shef për hetimin e krimeve në Drejtorinë Vendore të Policisë në Vlorë.