Vrasja e rëndë e mbrëmjes së sotme në qendër të Shkodrës, ku mbeti i vrarë Kristian Kola, 34 vjeç, po hetohet në disa pista nga policia.
Burime bëjnë me dije se në momentin e ngjarjes, Kola ishte ulur në një lokal pranë kinemasë “Republika”, së bashku me një biznesmen të njohur të zonës, djalin e tij dhe disa persona të tjerë. Pak minuta më pas, autorët e maskuar, që lëviznin me motor, qëlluan në drejtim të tij duke i marrë jetën.
Grupet hetimore po verifikojnë disa pista, mes të cilave:
• Pazare droge
• Çështje fajdesh
• Mundësi ngatërrese të shënjestrës
Zona e ngjarjes mbetet e rrethuar, ndërsa policia po mbledh dëshmi dhe po kontrollon pamjet e kamerave të sigurisë për identifikimin e autorëve. Hetimet vijojnë intensivisht.