Miklovan Dakaj, 30 vjeç, nga Shkodra, është gjetur i vdekur në bregdetin e Marbellas pasi ishte shpallur i zhdukur që në muajin maj. Të afërmit e tij kanë marrë një telegram ku konfirmohej vrasja dhe ku i paralajmëroheshin të mos e kërkonin më.
Dakaj ishte i përfshirë në trafikun e kokainës dhe në klane ndërkombëtare. Zhdukja e tij ishte raportuar si në Spanjë, ashtu edhe në Shqipëri, ndërsa vendndodhja e tij kishte mbetur e panjohur deri në gjetjen e trupit.
Personi i fundit që e ka takuar është Juxhin Drazhi i klanit Troplini.
Guardia Civil ka nisur një hetim në Marbella. Deri tani nuk ka asnjë arrestim dhe autoritetet nuk kanë dhënë detaje mbi rrethanat e gjetjes së trupit.
Po ashtu, autoritetet spanjolle po bashkëpunojnë me ato shqiptare për të sqaruar ngjarjen, ndërsa u bëjnë thirrje qytetarëve të mos përhapin mesazhe apo informacione të pabazuara mbi rastin.