InfoNews.al ka mësuar ekskluzivisht se Policia e Shtetit do të vijojë me ristrukturimet në të gjitha qarqet e vendit. Brenda muajit shtator priten ndryshime të rëndësishme në drejtimin e policisë në qarqet Tiranë, Dibër, Vlorë, Gjirokastër e të tjerë. Lëvizjet do të përfshijnë si drejtorët, ashtu edhe zëvendësdrejtorët, në kuadër të një plani të gjerë për forcimin e rendit dhe sigurisë në të gjithë vendin.
Ndërkohë, ndryshimet kanë nisur tashmë në disa qarqe. Ulian Shpataraku është emëruar drejtor i Policisë së Qarkut Korçë, ndërsa Erjon Ahmeti ka marrë drejtimin e Policisë së Qarkut Elbasan.
Ndryshime të tjera të bëra së fundmi përfshijnë:
• Florian Dano – Drejtor i Policisë Kufitare në Dibër
• Elvid Shehu – Drejtor në Policinë Kufitare Sarandë
• Ferit Merkaj – Shef i Komisariatit të Policisë Himarë
• Kliton Zharri – Drejtor i Komisariatit të Policisë në Cërrik
• Ajet Bega – Shef i Komisariatit të Policisë Kurbin
• Leonard Ndreka – Shef i Komisariatit të Policisë Gramsh
• Krenar Guçe – Zv.drejtor për Krimet në DVP Elbasan
• Gentian Dedej – Shef i Komisariatit të Policisë Pogradec
• Faik Ruko – Shef i Komisariatit të Policisë Korçë
• Idriz Daulle – Shef i Komisariatit të Policisë nr. 5, Tiranë
• Besmir Qebini – Shef i Komisariatit të Policisë Kukës
• Bekim Lika – Shef i Komisariatit të Policisë Shkodër
• Ermal Kenaçi – Shef i Komisariatit të Policisë nr. 2, Tiranë
• Feliks Hoda – Shef i Komisariatit të Policisë nr. 4, Tiranë
• Ervis Gjoshi – Zv.drejtor për Rendin në DVP Tiranë
• Robert Losha – Shef i Komisariatit të Policisë nr. 7, Tiranë
• Elton Shahini – Shef i Komisariatit të Policisë nr. 1, Tiranë
Këto lëvizje janë pjesë e një strategjie të re që synon përmirësimin e performancës operacionale të strukturave të Policisë së Shtetit dhe rritjen e besueshmërisë tek qytetarët.
InfoNews.al do të vijojë të raportojë për zhvillimet e ardhshme dhe emrat që pritet të përfshihen në rrotacionin e shtatorit.
