Koray i Kurum -it ble hidrocentralin e Lengaricës
Hidrocentrali i Lengaricës, një nga projektet hidroenergjetike më të debatuara në Shqipëri për ndikimin e tij në mjedis, ka kaluar në pronësi të re. Grupi austriak ENSO Hydro ka shitur hidrocentralin tek kompania Albasteel, në pronësi të biznesmenit turk Koray Zeytinoglu, i njohur në Shqipëri si “Koray i Kurumit” për shkak të rolit të tij afatgjatë në kompaninë e prodhimit të çelikut Kurum.
Edhe pse vlera zyrtare e transaksionit nuk është bërë publike, burime për Kapitali bëjnë të ditur se marrëveshja vlerësohet mes 15 dhe 20 milionë eurove.
https://infonews.al/koray-zeytinoglu-njeriu-i-puneve-te-pista-te-hasmetit-te-kurum-vjedhje-dhe-pastrim-parash/
Hidrocentrali i Lengaricës prodhon deri në 30 mijë MWh energji në vit
I ndërtuar pak metra mbi kanionin e njohur të Lengaricës, hidrocentrali ka një fuqi të instaluar prej 8.9 MW.
Sipas të dhënave të Entit Rregullator të Energjisë (ERE), hidrocentrali prodhon çdo vit nga 20 mijë deri në 30 mijë MWh energji elektrike, duke gjeneruar rreth 2.3 milionë euro të ardhura vjetore.
Kush është Koray Zeytinoglu?
Koray Zeytinoglu është një nga drejtuesit më të njohur të industrisë turke të çelikut dhe një figurë kyçe në aktivitetin e kompanisë Kurum në Shqipëri.
Për më shumë se dy dekada ai ka mbajtur postin e administratorit të Kurum, ndërsa aktualisht ushtron detyrën e këshilltarit kryesor të kompanisë. Me blerjen e hidrocentralit të Lengaricës përmes Albasteel, Zeytinoglu zgjeron investimet e tij edhe në sektorin e energjisë.
https://infonews.al/skandali-2800-ton-mbetje-te-kurum-ende-ne-porto-romano2800-ton-mbetje-te-kurum-ende-ne-porto-romano/
Historia e koncesionit të hidrocentralit të Lengaricës
Koncesioni për ndërtimin e hidrocentralit u dha në vitin 2008 kompanisë shqiptare Hasi Energji, në pronësi të Astrit Dhromajt dhe Hasan Lekës.
Në vitin 2011, Hasi Energji krijoi kompaninë e përbashkët Lengarica & Energy me grupin austriak ENSO Hydro. Fillimisht, kompania shqiptare transferoi 20% të aksioneve tek partneri austriak dhe më pas shiti të gjithë pjesën e mbetur për rreth 800 mijë euro.
Më 3 gusht 2011, ENSO Hydro mori kontrollin e plotë të kompanisë dhe vazhdoi zhvillimin e projektit. Sipas vlerësimeve, Hasi Energji kishte investuar vetëm 15–20 mijë euro për marrjen e koncesionit përpara se ta shiste atë.
https://infonews.al/skandali-me-mbetjet-toksike-te-kurum-arrestohet-nje-tjeter-person/
Projekti u financua nga IFC dhe banka gjermane
Pas marrjes së kontrollit të plotë, ENSO Hydro siguroi financimin për ndërtimin e hidrocentralit nga IFC, krahu financiar i Bankës Botërore për sektorin privat, si dhe nga një bankë tregtare gjermane.
Punimet nisën në verën e vitit 2013, megjithëse projekti hasi kundërshtime të forta nga organizatat mjedisore dhe komunitetet lokale.
Debatet për ndikimin mjedisor në kanionin e Lengaricës
Hidrocentrali u ndërtua pranë banjave termale të Bënjës, në një zonë që konsiderohet ndër më të rëndësishmet për turizmin natyror në Shqipëri.
https://infonews.al/kurum-rrjeti-i-fshehur-i-mbetjeve-toksike/
Kontestimet lidhen me faktin se zona e Hotovë-Dangëlli ishte shpallur Park Kombëtar në dhjetor të vitit 2008, megjithëse koncesioni dhe leja mjedisore për hidrocentralin ishin miratuar më herët.
Sipas të dhënave të projektit, hidrocentrali devijon 8 metra kub ujë në sekondë nga lumi Lengaricë, ndërsa në kanion lihet një prurje minimale prej vetëm 0.2 metra kub në sekondë, çështje që ka qenë në qendër të kritikave të ambientalistëve.