Skemat që zhvasin Europën: Kush janë njerëzit hije
Operacioni i fundit i Policisë së Shtetit kundër celulave të mashtrimit elektronik nuk është thjesht një aksion radhe, por paralajmërimi i një “stuhie” që pritet të godasë themelet e këtij biznesi kriminal. Megjithëse operacionet e SPAK dhe denoncimet mediatike kanë qenë të shpeshta, Call Centerat mashtrues vazhdojnë të mbijnë si kërpudha nëpër Tiranë, duke u kthyer në një gangrenë për imazhin e vendit dhe xhepat e qytetarëve europianë.
Rrjeta po thuret: Përtej 12 ambjenteve të kontrolluara
Ndërsa bilanci i fundit flet për 12 pika të goditura, burimet konfirmojnë se hetimet janë shtrirë te “peshqit e mëdhenj” që operojnë në hije. Këto struktura nuk janë thjesht zyra pirate, por organizata të mirëfillta që qarkullojnë dhjetëra miliona euro çdo muaj, duke përdorur skema komplekse të investimeve fiktive në bursa dhe kriptomonedha.
Profil i Erret: Kush është “Oligarku i Mashtrimit”?
Në listën e personave që po vëzhgohen me lupë nga uniformat blu, spikaten shumë emra, por ajo që nuk dihet është se a do të hetohet emri i Enea Mitrit. Për drejtësinë shqiptare, Mitri nuk është një emër i panjohur apo një “biznesmen” i lindur nga asgjëja.
E kaluara kriminale: Në vitin 2016, ai së bashku me të atin ranë në prangat e policisë si të dyshuar për përfshirje në trafikun e lëndëve narkotike.
Metamorfoza: Sot, ai ka ndërruar profil, duke u renditur si një nga bosët kryesorë të një perandorie financiare të ndërtuar mbi mashtrimin.
Nga rrugët e trafikut të drogës te zyrat luksoze të Call Centerave, rrugëtimi i Mitrit duket se po shkon drejt një tjetër përballjeje tjetër. Ndërsa autoritetet po mbledhin provat për xhiron marramendëse të parave, mbetet për t’u parë nëse ky aksion do të jetë goditja përfundimtare për “oligarkët” që po zhvatin Europën nga zemra e Tiranës.
Dhe për më tepër nëse Mitri do të jetë një nga shumë emrat e goditur nga hetuesit./ Marre nga Replike.al