Vartësi i Amant Josifit? Kush është Florian Sula bosi i Call Center që u mor peng, nami me mashtrime
I ashtuquajturi biznesmen ndërtimi, të cilin e morën peng në zemër të Tiranës më 31 mars, dy vëllezërit Jurgen dhe Kevin Neza, 28 dhe 25 vjeç, dhe djali i xhaxhait, Hysen Neza, 33 vjeç, me qëllim për t’i marrë 2 milionë euro, në fakt është bosi i call centrave Florian Sula, i skeduar për mashtrim me pasoja të rënda, grup kriminal dhe pastrim parash në ndërtim.
Si u rrëmbye Florian Sula nga dy djemtë e Gazment Neza pronarit të UBA Bank! Lidhja me Kadri Morinaj
Pengmarrja e Florian Sulës është një akt kriminal, me sa duket i kryer nga një grup kriminal, por nga ana tjetër, edhe Florian Sula u ka zhvatur miliona euro qytetarëve evropianë përmes mashtrimit të shumëfishet me pasoja të rënda. Krahas arrestimit të pengmarrësve, policia duhet të nisë një hetim edhe për Florian Sulën, si u bë biznesmen pa mbushur 30 vjeç, çfarë biznesh ka dhe në emër të kujt i ka, cili është burimi, me çfarë aktiviteti është marrë etj.
Kush është Florian Sula?
Një nga anëtarët e bandës së padukshme të Amant Josifit dhe Flladi Malajt është pikërisht Florian Sula nga Divjaka e Lushnjes, ende aktiv me celulat call center, por i angazhuar në pastrimin e parave me ndërtime në bregdet. Për shkak të aftësive të tij menaxheriale dhe njohurive në kompjuterike, Florian Sula u kthye në një nga personazhet e nëndheshëm kyç të zhvatjes së miliona euro qytetarëve evropianë përmes mashtrimi të investimit të rremë në bursa.
Edhe pse figuron pa asnjë historik biznesi dhe pa të ardhura të ligjshme, Florian Sula ka investuar vitet e fundit qindra mijëra euro në pasuri të paluajtshme nga Tirana në bregdet, ndërsa i ka shpëtuar deri më sot të gjitha hetimeve të SPAK për grupet kriminale në fushën e mashtrimit. Mjeshhtri i Forex Florian Sula, derivat i Josifit, vitet e fundit, me paratë e siguruara përmes mashtrimit me pasoja të rënda, ka blerë prona me vlerë qindra mijëra euro nga Borshi deri në Himarë.
Pronat janë blerë me qëllim zhvillim e tyre për të ndërtuar hotele dhe vila, një formë kjo masive për pastrimin e parave të pista. Një burim policor, i cili po monitoron Florian Sulën me kërkesë të agjencive të huaja ligjzbatuese, tha se Florian Sula, për të kamufluar pastrimin e parave që janë produkt i aktivitetit kriminal, ka përfshirë në skemë njerëz të afërt dhe të besuar.
Ndryshe nga shumë bosë call centrash që kanë hequr dorë nga skemat e mashtrimit dhe po pastrojnë qetësisht paratë pista në ndërtim, Florian Sula vijon të jetë aktiv në aktivitetin kriminal të mashtrimit me investimet e rreme në bursa, duke pastruar në të njëjtën kohë paratë që janë produkt i aktivitetit kriminal, në bashkëpunim dhe kamuflim me disa biznesmenë të njohur./Marrë me shkurtime nga Prapaskena