Shpërthim masiv në një biznes në Lezhë
Një shpërthim është regjistruar në orët e fundit në qendër të qytetit të Lezhë. Sipas informacioneve paraprake, ka dyshime se mund të jetë shpërthim me tritol por nuk përjashtohet as mubdësia të jetë bombol gazi ajo që ka shpërthyer në lokal pranë godinës së Drejtoria e Policisë Lezhë.
Shpërthimi ka shkaktuar dëme të shumta materiale në ambientet e lokalit dhe në zonën përreth, ndërsa fatmirësisht deri më tani nuk raportohen persona të lënduar.
Menjëherë pas ngjarjes, në vendngjarje kanë mbërritur forca të shumta policie dhe grupi hetimor, të cilët kanë rrethuar zonën dhe kanë nisur hetimet për zbardhjen e plotë të rrethanave të shpërthimit.
shpërthimi ka qenë i fuqishëm duke shkaktuar dëmtime në xhama, dyer dhe pjesë të fasadës.
Autoritetet po punojnë për dokumentimin e plotë të ngjarjes, ndërsa pritet që në orët në vijim të ketë edhe një reagim zyrtar nga policia.