Bosi i disa kompanive më të mëdha në Shqipëri, mes tyre edhe qendrës tregtare Megatek, prej më shumë se tre javësh kërkohet nga drejtësia shqiptare përkatësisht Gjykata e Tiranës. Shkak është mosgjetja e tij për të firmosur fletëthirrjen ndaj tij.
Një proces civil mes aksionerëve të një prej kompanive ku Teqja është aksioner, ka bërë që ai të njoftohet me një shpallje publike. Sipas argumentimit të gjykatës, mosparaqitja e tij në seancë dhe pamundësia e njoftimit me postë e kanë detyruar gjykatën të bëjë shpallje publike.
Seanca e radhës, ku Teqja do të duhet të jetë i pranishëm, është caktuar më datë 13 shkurt 2026 ora 13.00. Sipas dokumentit të siguruar rezulton se Teqja është paditur nga një prej ortakëve të tij në kompaninë postare TNT.
Në padi dhe në shpalljen publike thuhet:
“Pranë Gjykatës së Shkallës së Parë të Juridiksionit të Përgjithshëm, Rrethi Tiranë, është duke u zhvilluar gjykimi i çështjes civile me nr. 1234, datë 10.12.2025, akti që i përket:
Paditës: Thanas Hyseni
Të paditur: Ferdinand Haxhiaj, Dionis Teqja, shoqëria ‘RADMAIL’ sh.p.k., shoqëria T.N.T Express Albania sh.p.k.
Palë e tretë: Qendra Kombëtare e Biznesit
Objekti: Pavlefshmëri vendimi asambleje + sigurim padieGjykata ka vendosur që, në bazë të nenit 133 të K.Pr.Civile, njoftimi i palës së paditur Dionis Teqja të bëhet me anë të shpalljes publike.
– Një kopje e kësaj shpalljeje të afishohet në Njësinë nr. 5, Tiranë.”
Aksioneri në minorancë në kompaninë postare pretendon për veprime në kundërshtim me statutin e kompanisë dhe i është drejtuar gjykatës për pavlefshmërinë e vendimeve të asamblesë, si edhe për sigurim padie deri në përfundim të çështjes në themel.
Po përse ka vendosur Gjykata ta shpall në “kërkim” biznesmenin Teqja?
Referuar dokumentit thuhet sipas nenit 133 të kodit të procedurës civile, e ky nen thotë:
Neni 133 i Kodit të Procedurës Civile (Shqipëri) rregullon njoftimin me shpallje publike.
Në përmbajtje, ai thotë (në thelb) se:
Kur nuk është e mundur njoftimi i palës sipas mënyrave të zakonshme (me postë, dorëzim personal etj.), sepse vendndodhja e saj nuk dihet ose njoftimi nuk mund të kryhet për shkaqe të tjera të justifikuara, gjykata vendos që njoftimi të bëhet me shpallje publike.
Çfarë parashikon konkretisht neni 133:
- Gjykata urdhëron shpalljen publike të njoftimit;
- Shpallja afishohet në ambientet e gjykatës dhe/ose në njësinë administrative përkatëse;
- Në disa raste, mund të publikohet edhe në media (sipas vlerësimit të gjykatës);
- Pas kryerjes së shpalljes, njoftimi konsiderohet i kryer ligjërisht, edhe nëse pala nuk paraqitet.
Neni 133
(Ndryshuar me ligjin nr.10 052, datë 29.12.2008, neni 4; ndryshuar me ligjin nr. 122/2013)
Kur personi i thirrur nuk i dihet vendbanimi ose vendqëndrimi në Republikën e Shqipërisë, ose nuk ka zgjedhur një banesë, apo nuk ka caktuar një përfaqësues të tij, sipas nenit 131 të këtij Kodi, njoftimi i aktit bëhet nëpërmjet afishimit të kopjes në gjykatën e vendit, ku do të gjykohet mosmarrëveshja, si dhe në vendin e afishimit, ku ka pasur vendbanimin e fundit. Ky njoftim qëndron i afishuar për jo më pak se 20 ditë.
Në rastin kur marrësi është person juridik privat, njoftimi bëhet nëpërmjet afishimit të tij pranë adresës së qendrës së regjistruar në Qendrën Kombëtare të Regjistrimit ose në regjistrin e organizatave jofitimprurëse.
Në këto raste, njoftimi i aktit bëhet edhe në një rubrikë të posaçme në faqen zyrtare në internet të gjykatës, ose në një portal elektronik kombëtar të krijuar për këtë qëllim.
TITULLI – PËRGËNJESHTRIM DHE SQARIM PUBLIK NË LIDHJE ME Z. DIONIS TEQJA :
NUK KA SHPALLLJE NË KËRKIM
Në lidhje me publikimet e mëparshme të këtij portali, në të cilat është përdorur titulli dhe/ose është krijuar përshtypja se z. Dionis Teqja është “shpallur në kërkim”, sqarojmë se ky informacion nuk është i saktë.
Z. Teqja nuk ka qenë dhe nuk është asnjëherë në kërkim nga organet e drejtësisë, si dhe ndaj tij nuk ekziston asnjë vendim apo masë ligjoreqë të justifikojë një pretendim të tillë.
Rrethana e pasqyruar në publikim lidhet vetëm me faktin se njoftimi gjyqësor është kryer përmes shpalljes publike, një procedurë formale e parashikuar nga legjislacioni procedural, e cila nuk ka asnjë lidhje me statusin penal “në kërkim” dhe nuk nënkupton shmangie nga drejtësia apo ndjekje penale.
Për të shmangur çdo keqkuptim dhe për të informuar saktë publikun, ky sqarim publikohet si përgënjeshtrim dhe korrigjim i informacionit të mëparshëm.
/Web Lajm
