Mëngjesin e së mërkurës, naftëtarët dhe punonjës të tjerë të kompanisë “Bankers Petroleum” në Marinzë nisën një grevë urie përpara zyrave të kompanisë. Rreth 200 punonjës protestuan në vendin e punës, ndërsa sipas kryetarit të Sindikatës së Sektorit Hidrokarbur, Dritan Shahu, dhjetë prej tyre janë futur në grevë urie brenda një prej zyrave të sindikatës.
Përveç grevës së urisë, grupet e naftës bojkotuan edhe procesin e punës si shenjë pakënaqësie ndaj situatës.
Punonjësit shprehen se kompania nuk ka bërë asnjë rishikim apo rritje pagash gjatë 10 viteve të fundit, çka ka sjellë pakënaqësi të thella në mes tyre.
Të enjten pritet që më shumë naftëtarë t’i bashkohen grevës, pasi deri tani kompania “Bankers Petroleum” nuk ka marrë parasysh kërkesat e tyre për përmirësimin e kushteve të punës dhe rritjen e pagave.