Si u rrah në zyrë nga kolegu Fatmir Meta! Roli i Klesti Çela dhe kush po përfiton nga dherat?
Një incident i rëndë është regjistruar në ambientet e Inspektorati Kombëtar i Mbrojtjes së Territorit (IKMT), ku është dhunuar drejtori i Ekzekutimit të Vendimeve, Fatmir Meta.
Sipas burimeve brenda institucionit, Meta është sulmuar nga Klesti Çela, drejtor i Mjedisit, i shoqëruar nga tre persona të tjerë. Ngjarja dyshohet se ka ardhur pas një përplasjeje verbale të ndodhur një ditë më parë mes palëve.
Konflikti, sipas burimeve, lidhet me një grup inspektimi për çështjen e depozitimit të dherave në zonat përreth Tirana. Mësohet se Fatmir Meta kishte bllokuar disa mjete të subjekteve që dyshohet se po derdhnin dhera në mënyrë të paligjshme.
Pas debatit fillestar, situata ka degraduar një ditë më pas në dhunë fizike brenda ambienteve të institucionit, ku raportohet se Meta është goditur me qytat e pistoletave nga Çela dhe personat që e shoqëronin.
Pas incidentit, Klesti Çela mësohet se është paraqitur në zyrën e Afrim Qendros, ku ka kërkuar dorëheqjen. Deri tani nuk ka një reagim zyrtar nga IKMT apo nga personat e përfshirë, ndërsa pritet që rasti të hetohet nga organet kompetente.
Pyetje që kërkojnë përgjigje:
Kujt i përket kompania apo kompanitë që po kryenin largimin dhe depozitimin e dherave?
A kanë këto subjekte leje të rregullta për transportin dhe depozitimin e inerteve?
Kush do të përfitojë nga kontrata për largimin e dherave?
A ka lidhje politike apo familjare mes drejtuesve të përfshirë dhe kompanive në fjalë?
Pse një konflikt institucional degradoi në dhunë fizike brenda një institucioni shtetëror?
A ka pasur precedentë të mëparshëm konfliktesh për të njëjtën çështje?
A janë sekuestruar pamjet e kamerave të sigurisë brenda IKMT-së?
Çfarë mase është marrë ndaj personave të përfshirë deri në sqarimin e plotë të rrethanave?
A do të ketë një hetim të brendshëm administrativ paralel me hetimin penal?