Një shpërthim tritoli është shënuar në orët e para të mëngjesit të sotëm në fshatin Gurëz, Fushë Kuqe. Shpërthimi ka ndodhur në banesën e një gruaje të moshuar e cila nuk jeton aty.
Sipas burimeve, dyshohet se në shënjestër ka qenë banesa e Jozefin Markut, ish-banorit të Big Brother Vip, i njohur për një incident gjatë spektaklit ku goditi me shuplakë një tjetër konkurrent, me nofkën Gjesti. Pronarët e kësaj banese nuk kanë bërë denoncim në polici por janë thirru pasi ka ndodhur shpërthimi për të dhënë deklaratën. Ata kanë thënë se nuk kanë lidhje me këtë shpërthim pasi nuk kanë asnjë konflikt.
Ndërkohë burime bëjnë me dije se kjo banesë është sulmuar me armë zjarri edhe ditën e premte por nuk ka pasur asnjë denoncim.
Shumë pranë kësaj banese ndodhet edhe shtëpia e një tjetër personazhi të njohur.
Bëhet fjalë për ish banorin e Big Brother Jozefin Marku. Pavarësisht se policia nuk e ka marrë në pyetje, nuk përjashtohet mundësia që autorët mund të kenë ngatërruar derën dhe kanë vendosur lëndën plasëse pranë portës së fqinjit.
Për fat të mirë, nga shpërthimi nuk ka persona të lënduar.
Jozefini nuk është pyetur nga policia, pasi nuk është gjendur në banesë në momentin e ngjarjes.
Marku u shoqërua në polici gjatë showt Big Brother pasi qëlloi me shuplakë Gjestin. Ai shpesh herë në rrjetet sociale është bërë objekt i sulmeve nga shqiptarë të Kosovës për shkak të deklarateve dhe qëndrimeve që ai ka mbajtur në Big Brother.
Njoftimi i Policisë:
“Vijojnë veprimet hetimore për zbardhjen e rrethanave dhe dokumentimin ligjor të ngjarjes së ndodhur në orët e para të mëngjesit të sotëm në fshatin Gurëz, Fushë Kuqe.
Me marrjen e njoftimit se rreth orës 04:20, në portën e jashtme të murit rrethues të shtetases M. D., alias M. B., në fshatin Gurëz, Fushë Kuqe, ishte hedhur një sasi e vogël lënde plasëse e dyshuar artizanale, shërbimet e Policisë shkuan menjëherë në vendngjarje, së bashku me grupin hetimor.
Gjatë këqyrjes së vendit të ngjarjes dhe territorit përreth, rezultoi se porta e murit rrethues të banesës ishte dëmtuar lehtë nga shpërthimi i lëndës plasëse, e dyshuar artizanale.
Në vijim të veprimeve, grupi hetimor gjeti në rrugë, në afërsi të banesës, disa gëzhoja në dukje të vjetra, të cilat u sekuestruan dhe administruan në cilësinë e provës materiale.
Nën drejtimin e Prokurorisë, vijojnë veprimet e thelluara hetimore për sqarimin e rrethanave, identifikimin e autorit/ve dhe dokumentimin e plotë ligjor të rastit.”