Kryeministri Edi Rama ka zgjedhur për herë të parë një grua për të drejtuar Ministrinë e Brendshme. Albana Koçiu eshtë ministrja e re e Brendshme në kabinetin qeveritar “Rama 4”, duke shënuar kështu një hap të rëndësishëm drejt përfshirjes më të gjerë të grave në pozicione kyçe të qeverisjes.
Emërimi i saj pritet të sjellë lëvizje të rëndësishme brenda Policisë së Shtetit, sidomos në strukturat drejtuese. Burime për InfoNews bëjnë me dije se ndryshime do të prekin kupolën drejtuese në Tiranë dhe në Durrës, por edhe në disa qarqe të tjera të vendit.
Po ashtu, ristrukturime të rëndësishme pritet të ndodhin edhe në Vlorë, ku do të ketë rotacion drejtuesish dhe rikompozim të kupolës vendore të policisë.
Emrat që përfliten:
Dvp Tiranë- Vilson Bala
Dvp Durrës- Elidon Çela
Dvp Vlorë- Elton Alushi
Këto zhvillime sinjalizojnë një fazë të re për Ministrinë e Brendshme dhe Policinë e Shtetit, ku pritet të theksohet modernizimi, transparenca dhe rritja e efektivitetit të strukturave të rendit.